Վատիկանը 30 հազար եւրօ տրամադրած է Մուսուլէն արտահան քրիստոնեաներուն` որպէս հալածուած
քրիստոնեաներուն առաջին օգնութիւն։
Վատիկանի ''ՄԷկ Սիրտ'' կոչուած բարեսիրական մարմինը 30 հազար եւրօ շնորհած է Մուսուլէն
արտահան եղած քրիստոնեաներուն` գումարը ուղարկուած է Իրաքի առաքելական դեսպանին, որպէսզի
իր կարգին յանձնէ տեղական Քարիթասին։ Նշենք որ անցեալ 22 Յուլիս 2014 –ին ֆրանչիսկոս
Քահանայապետը ընդունած է Իրաքի մօտ առաքելական դեսպանը` գերապայծառ Ճորճօ Լինկուան իսկ
Կիրակի, 20 Յուլիսին, Հրեշտակ Տեառն մարեմեան աղօթքին ընթացքին, Սրբազան Հայրը իր մտահոգութիւնը
յայտնած է ի տես Մուսուլի քրիստոնեաներուն կրած հալածանքին։ Քիւրտիստանի ինքնավար
շրջանի նախագահը` Մասուտ Պարզանի, յայտարարած է որ քիւրտերը պատրաստ են հիւրընկալելու
ծայրայեղ մահետականներէն վտարուած քրիստոնեաները։ Խօսքը ուղղելով Քաղտէացի պատրիարք`
գերերջանիկ Լուիս Ռաֆայել Սաքոյիին ըսաւ. ''քրիստոնեաները պէտք չեն հեռանալ երկրէն, կամ
ամէնքս միասին կը մեռնինք, կամ կը շարունակենք արժանաւորութեամբ ապրիլ''։